Rusiya ABŞ-ın Ukraynada təxribat hazırladığını bildirib
ABŞ Rusiya hərbçilərini Ukraynada kimyəvi, bioloji və ya nüvə silahlarından istifadə etməkdə ittiham etmək üçün təxribatlar hazırlayır.
SəhərAzəri-nin məlumatına əsasən,Rusiya Federasiyasının Müdafiə Nazirliyinin açıqlamasında qeyd olunub ki, Xarkov və Kiyevdəki kimyəvi və bioloji obyektlərdə təxribat variantı ən çox ehtimal olunandır:
"Zaporojye AES-də təxribat istisna edilmir. Təxribatı səhnələşdirmənin yüksək ehtimalı Ukraynaya zəhərli antidotların tədarükü faktları ilə təsdiqlənir"- bəyanatda deyilir.
Rusiya MN-dən ehtimal olunan təxribatların niyyət və məqsədinə də aydınlıq gətirilib:“Bu təxribatlar o cümlədən Hindistan və Çinə təzyiq göstərmək, onları Rusiyaya qarşı sanksiyalar tətbiq etməyə məcbur etmək üçün planlaşdırılır”, - Rusiya MN bildirib.
