Donbasda müharibə qızışır
Rusiyanın 5 tankı, 21 texnikası məhv edildi
Ukraynanın Müdafiə Nazirliyi Rusiyanın daha 5 tankı və 21 texnikasının məhv edildiyini bildirib.
SəhərAzəri-nin məlumatına əsasən, iddia olunur ki, son sutka ərzində Ukrayna ordusu Rusiyanın 6 hücumunu uğurla dəf edib.
Birləşmiş Qüvvələr Əməliyyatının yaydığı məlumatda qeyd olunur ki, ukraynalı müdafiəçilər 5 tank, bir artilleriya sistemi, 21 zirehli texnika, bir zirehli döyüş maşını, bir avtomobil və bir zenit silahını məhv ediblər.
Ukrayna həmçinin Donbas səmasında hava hücumundan müdafiə bölmələri bir qanadlı raketi və “Orlan-10” tipli üç PUA-nı vurub.
Bu arada ABŞ və NATO Ukraynanı sürətlə təchiz etməklə məşğuldur. Pentaqonun sözçüsü Con Kirbi bu barədə deyib ki, göndərilən texnikaların yarıdan çoxu hazırda Ukraynadadır.
O qeyd edib ki, Ukrayna ordusuna göndərilən haubitsa sistemləri ilə yanaşı, ölkəyə 155 mm-lik 190 min artilleriya mərmisi də çatdırılıb.
Rusiya bundan əvvəl bildirmişdi ki, Ukraynaya silah tədarükünün qarşısını almaq üçün əlindən gələni edəcəkdir.
