AB-nin xarici işlər və təhlükəsizlik üzrə ali nümayəndəsi Jozep Borrell təmsil etdiyi birliyin Ermənistana güclü dəstəyindən danışıb.

“AB-nin Şərq Tərəfdaşlığı ölkələrinin xarici işlər nazirlərinin iclasından əvvəl ilk görüşüm Ermənistan xarici işlər naziri ilə olacaq”, - deyən Jozep Borrell sonra belə davam edib:

 “Xarici işlər nazirlərinin görüşü başlamazdan əvvəl mən günə Ermənistanın xarici işlər naziri ilə görüşlə başlayacağam. Şərq Tərəfdaşlığı məkanında çətin vəziyyət var: Belarus, Ukrayna, həmçinin Cənubi Qafqaz. Gürcüstanın AB-yə üzvlük yolunda irəliləməsi yaxşı xəbərdir, lakin Ermənistandakı vəziyyət bizim güclü dəstəyimizi tələb edir. Onu necə artıra biləcəyimizə baxaq”, - deyə Borrell bildirib.