Kanada ABŞ mallarına 25 faizlik tarifin tətbiqindən xəbər verib
ABŞ prezidenti Donald Tramp tərəfindən Birləşmiş Ştatlara ixrac olunan Kanada mallarına iyirmi beş faizlik tarifin tətbiq olunduğunun bildirilməsindən az sonra Kanadanın baş naziri Castin Trüdo da qisas mahiyyətli bir addımda, Amerikadan idxal olunan mallara iyirmi beş faizlik tarifin tətbiq olunmasından xəbər verib.
Trüdo bir mətbuat konfransında belə deyib: Elan edirəm ki, Kanada/ Birləşmiş Ştatların ticari addımına/ yüz əlli beş milyard dollarlıq Amerika mallarına iyirmi beş faizlik ticarət tarifi tətbiq etməklə cavab verəcək.
Kanadanın baş naziri Amerikadan idxal olunan mallara iyirmi beş faizlik tarifin tətbiq olunmasının bu ölkə hökumətinə otuz milyard dollarlıq gəlir gətirəcəyini bildirib.
Üç həftə sonra Amerikadan idxal olunan mallara daha geniş tariflər tətbiq olunacaq- deyən Trüdo belə qeyd edib: Hal-hazırda Amerika mallarının idxalı və paylanması sahəsində fəaliyyət göstərən kanadalı şirkətlər bu müddətdə digər ölkələrdən yeni idxal mənbələri və istehsalçılar, eləcə də onların mallarını Amerika mallarının yerinə gətirmək ardınca olmaq üçün fürsətə malik olacaqlar.
