SAHAR

Aktual.ge xəbər verir ki, "Sonadək" adlı aksiya iştirakçılar ölkədə təkrar seçkilərin keçirilməsini və etiraz aksiyalarında saxlanılanların azad edilməsini tələb ediblər.

Aksiyada müxalifətçi siyasətçilər də iştirak ediblər. Əraziyə çox sayda polis qüvvələri cəlb olunub. Hüquq-mühafizə orqanları yolun hər iki tərəfində kordon qurublar.Gürcüstanın beşinci prezidenti Salome Zurabişvili Potidə gənclər, fəallar və qeyri-hökumət sektorunun nümayəndələri ilə görüşü zamanı, "ölkədə əsas etiraz silahı cəmiyyət, xalqın birliyi, dəstəyi, həmrəyliyi və mənəvi yönümüdür" deyib.Onun sözlərinə görə, bu gün həm də etirazın ölkə üzrə yayılması və Gürcüstanın bütün regionlarının buna cəlb olunması vacibdir, bu çox təqdirəlayiqdir. Zurabişvili sonda: "Mən sizin tərəfinizdəyəm, sona qədər sizinlə olacağam", deyə qeyd edib.Avropa İttifaqının Xarici İşlər və Təhlükəsizlik Siyasəti üzrə ali nümayəndəsi Kaya Kallas platforma "X" səhifəsində Gürcüstanda baş verən etirazlar barədə belə yazıb: "Tbilisidə dinc etirazçılara, jurnalistlərə və siyasətçilərə qarşı amansız hücum qəbuledilməzdir. Gürcüstan namizəd ölkə kimi heç bir gözləntini doğrultmur. Avropa İttifaqı azadlıq və demokratiya uğrunda mübarizədə gürcü xalqının yanındadır”.