Qrossi:
İran və ABŞ nüvə anlaşması istəyirlər pərdəarxası əlaqə yoxdur
Atom Enerjisi üzrə Beynəlxalq Agentliyin baş direktoru deyib ki, İranla Amerika arasında gizli əlaqə kanalı yoxdur. Vurğulayıb ki, hər iki tərəf bir növ nüvə anlaşmasına çatmaq ardıncadır.
Amerikan “Uol Strit Cournal” nəşrinə müsahibə verən Rafael Qrossi vurğulayıb ki, indiyədək İranın nüvə işi barədə Tramp hökuməti ilə heç bir birbaşa müzakirə aparmayıb, amma bu vəziyyətin tezliklə dəyişəcəyinə ümid edir.
Mənim başqaları ilə danışıqlardan sonra gəldiyim ciddi qənaət budur ki, hal-hazırda İranla Amerika arasında heç bir gizli əlaqə kanalı fəal deyil- deyə, Qrossi bildirib.
MAQATE-nin baş direktoru həmçinin ABŞ prezidenti Donald Trampın İranla anlaşmanı himayə barədəki son sözlərini zəruri amil adlandırıb.
Bilirəm ki, iranlılar da bir növ anlaşma istəyirlər- deyə, Qrossi bildirib.Qrossi sonra deyibdir ki, bu məlumatın iyun ayından əvvəl yayılacağı gözlənilir.Atom Enerjisi üzrə Beynəlxalq Agentliyin baş direktoru həmçinin bu məlumatın yayılmasından öncə İrana səfər etmək niyyətində olduğunu qeyd edib. O, habelə deyibdir ki, İran xarici işlər naziri ilə danışıqlar səviyyəsi çox yaxşıdır.
Bu müsahibənin digər bir hissəsində Qrossi İran tərəfindən 3.1 kodunun icra olunmasına işarə edib. Ona əsasən, Tehran öz nüvə proqramı və yeni təsisatların düzəldilməsi barədə məlumat verməyə borcludur. O, deyibdir ki, agentliyin bu məsələ barədəki hesabatları çox uzanıb və bu məsələ sırf hüquqi məsələ deyildir.
İran İslam Respublikası bundan öncə bildirmişdi ki, 3.1 düzəliş kodunun icrasını Amerikanın nüvə anlaşmasından qanunsuz şəkildə çıxması səbəbindən, həmçinin İran xalqının maraqlarının qorunması və sanksiyaların ləğvi üzrə strateji addım qanununa əsasən, dayandırıbdır.
