Qərb ittifaqında yeni çat:
ABŞ Avropaya təhlükəsizlik dəstəyini geri götürür
Bu məlumata əsasən, Yuta ştatından olan respublikaçı senator Mayk Li deyib ki, ABŞ NATO-dan çıxmalıdır.
Sloveniyanın NATO-ya kifayət qədər töhfə vermədiyini bildirən ABŞ prezidentinin xüsusi tapşırıqlar üzrə şəxsi nümayəndəsi Riçard Qrenellin dediklərini şərh edərkən senator X platformasındakı səhifəsində yazıb ki, NATO-dan çıxmaq vaxtıdır.
Bu arada “Washington Post” qəzeti mənbələrə istinadən məlumat verib ki, ABŞ prezidenti Donald Tramp 20 min Amerika əsgərinin Avropadan çıxarılmasına göstəriş verə bilər.Məlumatda qeyd olunur ki, Tramp administrasiyasının avropalı müttəfiqləri ilə dərinləşən fikir ayrılığı və Amerika qoşunlarının sayını azaltmaq təklifləri Avropanı qeyri-müəyyən şəraitlə üzləşdirib.
Bir müddət əvvəl ABŞ prezidenti Donald Trampın özü bildirmişdi ki, təşkilata üzv olan digər ölkələr maliyyə öhdəliklərini yerinə yetirməsə, ABŞ NATO-dan çıxa bilər.
