Avropa cavab tariflər tətbiq etməyə hazırlaşır
Avropa Komissiyasının sədri bildirib ki, Avropa Birliyi Amerikanın yeni tarifləri qarşısında cavab tədbirləri görməyi planlaşdırır.
Avropa Komissiyasının sədri Ursula fon der Leyen Donald Trampın beynəlxalq tariflərini dünya iqtisadiyyatına vurulan böyük zərbə adlandırıb. Bildirib ki: Avropa Vaşinqtonla müzakirələrin uğursuz qalacağı təqdirdə, qarşılıqlı addımlarla ABŞ-ın yeni rüsumlarına cavab verməyə hazırlaşır.
O, Avropa Birliyi-Mərkəzi Asiya əməkdaşlığı iclasından öncə belə deyib: Biz polad rüsumlarına cavab tədbirləri üzrə ilk paketi yekunlaşdırmaqdayıq və hazırda müzakirələrin uğursuz qalacağı təqdirdə, öz ticarət və maraqlarımızın qorunması sahəsində daha çox cavab tədbirlərinə hazırlaşırıq.
Avropa İttifaqının atacağı addımlar barədə detallar təqdim etməyən Ursula fon der Leyen söyləyib: Avropa İttifaqı cari ayda martın on ikisindən etibarən icra edilən Amerikanın polad və alüminium tariflərinə cavab olaraq, ABŞ məhsullarına 26 milyard avroluq, başqa sözlə, 28,4 milyard dollarlıq rüsum tətbiq etmək niyyətindədir.
Röyters informasiya agentliyi xəbər veribdir ki, Tramp çərşənbə günü Amerikaya idxal olunan əksər mallara minimum on faizlik tarifdən xəbər verdi ki, bu da Avropa Birliyi üçün iyirmi faizlik yüksək məzənnə ilə müşayiət olunur. Bu hərəkət, dünya və Amerika iqtisadiyyatlarının inkişafının dayanması, həmçinin inflyasiyanın artması üçün bir təhdid olan beynəlxalq ticarət müharibəsini başlatdı.
