Zelenski: Ukraynaya xarici qoşunların yerləşdirilməsi planı bir aya hazır ola bilər
Ukrayna prezidenti Volodimir Zelenski deyib ki, Avropa hərbi plançıları Ukraynaya xarici hərbi kontingentinin göndərilməsi ilə bağlı plan üzərində işləyirlər və bu planın təfərrüatları bir ay ərzində hazır ola bilər.
Röyters-in məlumatına görə, Zelenski cümə günü Britaniya və Fransa hərbi rəhbərləri ilə görüşdən sonra Kiyevdə jurnalistlərə verdiyi açıqlamada deyib: "Düşünürəm ki, komandaların təxminən bir aya ehtiyacı var və ondan sonra biz bu infrastrukturu dərk etmək üçün tam hazır olacağıq".
Zelenski qeyd edib ki, İngiltərə və Fransadan başqa digər ölkələrdə bu plan da iştirak edəcəklər, amma onların adını açıqlamayıb.
Onun sözlərinə görə, sözü gedən plan, xarici qoşunların Ukraynanın quru, dəniz və hava məkanında patrul fəaliyyətini nəzərdə tutur və cümə günü Ukrayna, İngiltərə və Fransanın hərbi rəsmiləri Ukraynaya göndəriləcək qoşunların sayı barədə məsləhətləşmə aparıblar.
Kiyev Rusiya ilə sülh razılaşması əldə ediləcəyi təqdirdə, Qərb müttəfiqlərindən təhlükəsizlik zəmanəti istəyir.
Zelenskinin şərhləri Rusiyanın cümə günü onun doğulduğu Krivoy Roq şəhərinə raket zərbəsi endirməsindən sonra verilib.
Ukrayna rəsmiləri hücumda 19 nəfərin öldüyünü, 50-dən çox insanın yaralandığını bildiriblər.
Lakin Rusiya Müdafiə Nazirliyi cümə günü gecə yaydığı bəyanatda hücumun Ukrayna əsgərləri və xarici hərbi təlimatçıların toplaşdığı məkanı hədəf aldığını və onlardan 85 nəfərin həlak olduğunu bildirib.
