ABŞ-ın 1 milyard dollarlıq hücumları Ənsarullaha məhdud təsir göstərib
CNN kanalı bildirib ki, ABŞ ordusunun Yəmənə qarşı əməliyyatının ümumi dəyəri üç həftədən az bir müddətdə 1 milyard dollara yaxınlaşır, amma bu hücumlar Ənsarullahın imkanlarını məhv etməyə məhdud təsir göstərmişdir.
CNN kanalı adlarının açıqlanmasını istəməyən əməliyyatların gedişatı haqqında məlumatı olan üç nəfərə istinadən bildirib ki, Ənsarullah hərəkatına qarşı martın 15-də başlayan hərbi hücumda yüz milyonlarla dollar dəyərində sursat, o cümlədən JASSM uzaqmənzilli qanadlı raketlər, GPS ilə idarə olunan JSOW-lar və Tomahawk raketləri istifadə edilib.Mənbələrdəb biri, Pentaqonun əməliyyatı davam etdirmək üçün Konqresdən əlavə maliyyə tələb etməli olacağını, lakin onu ala bilməyəcəyini söyləyib, çünki Yəmənə hücum artıq ABŞ-ın hər iki siyasi cinahı tərəfindən tənqid edilir.Mənbələrin dediyinə görə, ABŞ-ın müxtəlif qurumları etiraf ediblər ki, Yəmən hələ də bunkerlərini möhkəmləndirə və yeraltı silah ehtiyatlarını saxlaya bilib.Bir müdafiə rəsmisi Ənsarullah Hərəkatının hələ də nə qədər ehtiyat saxladığını dəqiq müəyyən etməyin çətin olduğunu söyləyib.CNN-ə əməliyyat haqqında məlumat verən mənbələrdən biri deyib: "ABŞ-ın hücumları Ənsarullahın bəzi saytlarını məhv edə bilib, amma onların Qırmızı dənizdəki gəmilərə atəş açmağa və ya ABŞ-ın pilotsuz təyyarələrini vurmağa davam etmə qabiliyyətinə təsir etməyib. Bu elə bir haldadır ki, biz hələ də hazırlığı, sursatları, yanacağı və vaxtımızı sərf edərək, tükəndiririk."
