Çin və Ermənistan liderləri görüşdülər
İki ölkə arasında strateji tərəfdaşlıq münasibətləri qurulub
Çin Xalq Respublikasının sədri Si Cinpin və Ermənistanın baş naziri Nikol Paşinyan Pekinlə İrəvan arasında strateji tərəfdaşlıq münasibətlərinin qurulduğunu elan ediblər.
Çin Mərkəzi Televiziyasının (CCTV) məlumatına görə, bu barədə Si Cinpin Nikol Paşinyanla Tiencin şəhərində keçirdiyi görüşdə danışıb.
Görüşdə Çin lideri deyib ki, "strateji tərəfdaşlığın qurulması iki ölkə arasındakı münasibətlərin inkişafında mühüm mərhələdir."
Çin–Ermənistan əlaqələrinin strateji tərəfdaşlıq səviyyəsinə qaldırılması qeyd etmək yerinə düşərdi ki, Ermənistan Cənubi Qafqazda kiçik bazara malik olsa da, onun coğrafi mövqeyi tranzit baxımından önəmlidir.
Çin həmçinin Cənubi Qafqazda təsirini artırmaq üçün Ermənistanı bir "dost" ölkə kimi formalaşdırmaqla, Rusiya və Qərb arasında manevr imkanlarını genişləndirir.
Paşinyan hökumətinin Pekinlə yaxın əlaqələr qurmasına gəlincə, böyük güc olan Çinlə tərəfdaşlıq Ermənistanın regional və qlobal miqyasda nüfuzunu artıra bilər.
Digər tərəfdən bu addım Çin–Qərb rəqabətinin Cənubi Qafqaza keçdiyini göstərir. ABŞ və Aİ Ermənistanı öz orbitinə çəkməyə çalışarkən, Çin də eyni istiqamətdə addımlar atır.
Yeri gəlmişkən bildirək ki, Çin ənənəvi olaraq balanslı siyasət yürüdüb, həm Bakı, həm də İrəvanla işləməyə çalışıb.
