SAHAR

Şanxay Əməkdaşlıq Təşkilatına üzv dövlətlərin 25-ci sammiti keçirilir.

Çinin Tiencin şəhərində Şanxay Əməkdaşlıq Təşkilatının sammiti keçirilir. Zirvə toplantısında İran İslam Respublikasını prezident Məsud Pezeşkiyan təmsil edir.

Şanxay Əməkdaşlıq Təşkilatına üzv olan ölkələr hazırda dünya iqtisadiyyatının 20 trilyon dollardan çoxunu təşkil edir və dünya üzrə ümumi daxili məhsulun təxminən 30 faizini istehsal edir. Digər tərəfdən dünya əhalisinin 40 faizindən çoxu üzv ölkələrdə yaşayır.

Qurumun yaranmasından iyirmi ildən çox müddət keçdikdə; bu təşkilat öz nizamnaməsində qarşısına qoyduğu konsepsiyalara əməl edərək üzv ölkələri bir-birinə hər zamankındən daha artıq yaxınlaşdırmağa çalışır.

İran İslam Respublikasının Şanxay Əməkdaşlıq Təşkilatına üzvlüyü prosesi 2004-cü ildə təşkilatın katibliyinə verilən rəsmi ərizə ilə başladı və nəhayət, 2013-cü ilin sentyabrında Tacikistanda keçirilən iyirmi birinci iclasda İranın bu təşkilata rəsmi üzvlüyünə razılıq verildi. Hazırda sözü gedən təşkilat həm iqtisadi, həm də siyasi baxımdan İran İslam Respublikası üçün xüsusi əhəmiyyət kəsb edir və Pezeşkiyanın bu təşkilatın sammitində iştirak etmək üçün Çinə səfəri bu baxımdan əhəmiyyətli hadisə kimi dəyərləndirilməlidir.

Əslində İslam İnqilabının qələbəsindən sonra beynəlxalq sistemdə çoxtərəflilik anlayışını vurğulayan və Qərb hegemonluğu ilə üzləşən İran/ Şanxay Əməkdaşlıq Təşkilatı və BRİKS kimi qurumlara üzv olmaqla bu konsepsiyanın həyata keçirilməsi istiqamətində əməli addımlar atmaqdadır. Bununla əlaqədar prezident Pezeşkiyan da bildirib ki, bu sammit çoxtərəflilik istiqamətində əməkdaşlığı gücləndirməyə xidmət edəcəkdir.

Qeyd edək ki, Azərbaycan və Ermənistan da hələlik Şanxay Əməkdaşlıq Təşkilatının fəal dialoq tərəfdaşı qismində ŞƏT-in iclasında iştirak edirlər və hər ikisi üzv olmaq arzusundadır.

Azərbaycan rəsmiləri bildirirlər ki, ŞƏT-ə üzvlük ölkənin regional təhlükəsizlik, iqtisadi inteqrasiya və geosiyasi balans baxımından maraqlarına cavab verir.