Londonda anbarda güclü yanğın:
hadisə yerinə 150 yanğınsöndürən cəlb olunub
Londonun qərbində yerləşən böyük bir anbarda baş vermiş böyük yanğına təxminən 150 yanğınsöndürən cəlb olunub; rəsmilər binanın dörddə üçünün yanaraq, məhv olduğunu bildiriblər.
Londonun qərbindəki "South Hall" bölgəsində yerləşən iki mərtəbəli, anbar və pərakəndə satış sahəsindən ibarət bir binada baş verən böyük yanğın yanğınsöndürənləri hadisə yerinə çəkib.
Sakinlər partlayış səslərini eşitdikdən sonra məsələ barədə rəsmiləri məlumatlandırıblar və təxminən 150 yanğınsöndürən alova müdaxilə üçün əraziyə göndərilib.
London Yanğınsöndürmə Xidmətinin bildirdiyinə görə, yanğın sürətlə yayılıb və binanın təxminən 75 faizi alov içində qalıb. Alovun söndürülməsi istiqamətində işlər davam edir və rəsmilər əsas prioritetlərinin insanları xilas etmək və yanğının qonşu binalara keçməsinin qarşısını almaq olduğunu bildiriblər. Hələlik mümkün tələfat barədə məlumat verilməyib.
