Əl-Əzhər Avstraliyada Hanuka mərasiminə silahlı hücumu qətiyyətlə pislədi
Dek 15, 2025 11:38 Asia/Baku
Misirin Əl-Əzhər qurumu bir bəyanat yayaraq, bildirib ki, Sidney şəhərində yəhudilərin Hanuka mərasiminə edilən silahlı hücum qəti şəkildə pislənilir və mülki şəxslərə qarşı zorakılığın haram olduğu vurğulanır.
Əl-Əzhər qeyd edib ki, dini və milli mənsubiyyətindən asılı olmayaraq, mülki şəxslərə hücum Qurani-Kərim və İslam Peyğəmbərinin sünnəsinə ziddir.
Bu dini qurum, hücum edənlərdən birini silahsızlaşdırmaq üçün həyatını təhlükəyə atan avstraliyalı müsəlman vətəndaş Əhməd Əl-Əhmədin cəsarətli hərəkətini yüksək qiymətləndirib.
Əl-Əzhər bu davranışı İslamın düzgün dərk edilməsinin nümunəsi və müsəlmanların sülhə dəstəyinin göstəricisi kimi dəyərləndirib.
Həmin hücum nəticəsində azı 16 nəfər həlak olub, 40-dan çox insan isə yaralanıb.
