NYT:
Trampı tanıyın: Talançı manyak
ABŞ-ın “New York Times” qəzeti analitik yazısında Donald Trampın hərəkətlərini açıq-aşkar talançılıq və dəlilik kimi təsvir edərək, onun siyasətlərini həm ABŞ-da, həm də dünyada xaosun artmasına səbəb olan bir xətt kimi təqdim edib.
“New York Times” qəzeti yazıb: “ABŞ prezidenti Donald Tramp həmişə xaosun təbliğatçısı olub və bir dəfə keçmişdə seçki mitinqlərində zorakılığın yaranmasını “həyəcanverici” adlandırmışdı. Hətta, 6 yanvarda onun adından xaos və qan tökülməsi ilə fəxr edirdi.
Yazıya görə, Tramp birinci prezidentlik dövründə hərbi müdaxilələrə o qədər də maraq göstərmirdi və daha çox “razılaşma siyasəti”ni üstün tuturdu. Lakin ikinci dövrdə o, hərbi gücdən istifadə etməyə meylli, dron və hava hücumlarına həvəs göstərən bir liderə çevrilib.
Məqalədə Venesuela, İran, Qrenlandiya və Kanada ilə bağlı sərt mövqeləri onun “imperialist iştahı” kimi təqdim olunur.
Nəşr yazır ki, Trampın bəyanatları ABŞ-ın müttəfiqlərini belə narahat edib və daxildə də onun siyasəti gərginliyi artırıb. Jurnalistlərin “Sizin gücünüzün sərhədi nədir?” sualına Trampın “öz əxlaqım və öz zehnim” cavabı təhlükəli tendensiya kimi dəyərləndirilir.
Məqalədə həmçinin Buş və Çeyni ilə müqayisə aparılır və qeyd olunur ki, onların ən azı “demokratiya gətirmək” kimi bir örtük hekayəsi vardı, amma Trampın bütün doktrinası – Venesueladan tutmuş Vaşinqtondakı mərkəzlərin yenidən qurulmasına qədər – açıq talançılıq kimi təsvir edilir.
