İran fəhlələrinin yüngül atletika komandası Latviyada keçirilən ümumdünya fəhlə idman yarışlarının sonuncu günündə daha iki medal qazanaraq, bütövlükdə on beş medal əldə edib və beləliklə bu yarışların qalibi olubdur.

IRNA müxbirinin məlumatına görə, İran fəhlələrinin yüngül atletika komandası iyunun on üçündən Latviyanın paytaxtı Riqa şəhərində keçirilən ümumdünya fəhlə idman yarışlarının sonuncu günündə kişilərin komanda yarışlarında ən çox medal qazanaraq, birinciliyə nail olub. İran, kişi və qadın komandaları məcmusunda da bürünc medal əldə edibdir.

Bundan öncə İranın çimərlik voleybolu və cüdo komandaları da beşinci ümumdünya fəhlə idman yarışlarının birinciliyini əldə etməyə müvəffəq olmuşdular.