İlk dəfə olaraq İranın cənub-qərbində yerləşən Xuzestan vilayətindən bir film Kaan Film Festivalında iştiraka vəsiqə əldə edib.

İRİB-nin verdiyi məlumata görə, İranın Xuzestan Ostanı Mədəniyyət və İslam İrşadı İdarəsinin müdiri Məhəmməd Curvənd bazar günü deyib: Xuzestanlı kinomatoqraf Rəsul Haqqcunun əsəri olan "İnək" adlı qısametrajlı fim 71-ci beynəlxalq Kaan film festivalında İranı təmsil edəcək.

Curvənd həmçinin deyib: "İnək" filmi müqəddəs müdafiə mövzusundadır və Xuzestan ostanı Müqəddəs Müdafiə İrsini Mühafizə Fondunun əməkdaşlığı ilə hazırlanıb.

71-ci Kaan film festivalı 2018-ci ilin mayında Fransada keçiriləcək.