İranın iki nəfərlik qızlardan ibarət tennis komandası Qətərdə keçirilən Asiya çempionatının qalibi olub.

İRNA-nın verdiyi məlumata görə, Müşkat Zəhra Seyfi və Dünya Amiri Qətərdə keçirilən Asiya çempionatında iki nəfərlik yarışlarda bütün rəqiblərini məğlub edərək, çempion olublar.

Müşkat Zəhra Seyfi fərdi yarışlarda da qızıl medalın sahibi olub.

Fərdi yarışlarda İranı təmsil edən digər tennisçi Fatimə Sadat Zəncani isə bürünc medala  yiyələnib.

Qətərdə keçirilən Asiya çempionatı 31 mart tarixində start götürmüşdü. 11 ölkədən gəlmiş tennisçilərin iştirak etdiyi bu yarışlar dünən cümə başa çatıb.