SAHAR

İranın karate üzrə milli komandası Türkiyəni məğlub edərək, dalbadal üçüncü dəfə və bu dəfə Madriddə keçirilən 24-cü dünya çempionatının qalibi olubdur.

Şəhram Herəvinin yetirmələri bu gün Madriddə keçirilən 24-cü dünya çempionatının finalında 3-2 hesabı ilə Türkiyə karateçilərini məğlub edərək, üçüncü dəfə bu yarışların ən dəyərli medalını əldə ediblər.

İran karateçiləri finala çıxmaq üçün ilk dövrdə istirahət etdikdən sonra birinci görüşdə 3-0 hesabı ilə Ermənistan karateçilərini məğlub ediblər.

İdmançılarımız ikinci görüşdə Seneqal təmsilçilərini 3-0 hesabı ilə məğlub ediblər. İordaniya İranın üçüncü rəqibi idi ki, 3-1 hesabı ilə İrana məğlub oldu.

İranın karate üzrə milli komandası finala çıxmaq üçün İtaliya yığması ilə qarılaşıb və bu qarşılaşma zamanı üç ardıcıl qələbə əldə edərək, 24-cü dünya çempionatının finalına vəsiqə qazanıbdır.

Bundan öncə İranın karate üzrə milli komandası 2014 və 2016-cı illərdə də dünya çempionu olmuşdu.