AFK-dən iranlı ulduzun uğurlarına reaksiya
Asiya Futbol Konfederasiyası(AFK) Leverkusenin «Bayer 04» klubunun iranlı ulduzunun Almaniya premyer liqası- Bundesliqa-dakı uğurlarına reaksiya verib.
SəhərAzəri-nin məlumatına əsasən, Dünən gecə Bundesliqa-nın 31-ci həftəsi çərçivəsində «Qroyter Fyurt» klubu ilə qarşılaşan «Bayer 04» klubu rəqibini üç-bir hesabı ilə məğlub edib.
Bu oyunda İran millli futbol komandasının ulduzu Sərdar Azmun ilk dəfə olaraq, Bundesliqa-da və «Bayer 04» üçün qol vurub, Almaniya futbol tarixində doqquzuncu iranlı bombardir adını aldı.
Sərdar Azmunun uğuru, qol vurmaqla bitmədi. Bu iranlı ulduz gözəl bir qol ötürməsinin müəllifi olmaqla görüşün ən yaxşı oyunçusu oldu.
İranlı ulduzun Bundesliqa-dakı uğurlarından sonra onun oyununu yüksək dəyərləndirən Asiya Futbol Konfederasiyasının rəsmi tvitter səhifəsi yazıb: Azmun bu oyunda bir qol vurub, bir qol ötürməsi edib, matçın ən yaxşı oyunçu oldu. Sərdar Azmun Bundesliqa yarışlarına əcəb möhtəşəm giriş etdi!
