Amerikanın "Washington Post" qəzeti dərc etdiyi təhlildə qeyd edib ki, İran İslam Respublikası təzyiqlər qarşısında geri çəkilmir və regionun təhlükəsizlik və iqtisadi tənliklərini dəyişdirmək niyyətindədir.

Qəzetin yazdığına görə, iki analitik hesab edirlər ki, İran Fars körfəzində yeni bir nizam formalaşdırmağa çalışır. Bu nizam çərçivəsində Hörmüz boğazından keçən gəmilər rüsum ödəməli olacaqlar. ABŞ ilə Fars körfəzinin ərəb ölkələri arasındakı təhlükəsizlik əlaqələri isə zəifləyəcək və ya tamamilə kəsiləcəkdir.Təhlilə əsasən, Tehran Hörmüz boğazının strateji mövqeyindən istifadə edərək, regionun təhlükəsizlik və iqtisadi nizamının formalaşdırılmasında öz rolunu genişləndirməyə, həmçinin illərdir ABŞ-nin mövcudluğu üzərində qurulmuş tənlikləri dəyişdirməyə çalışır.