İranın qılıncoynatma üzrə yığma komandası "Saber" növü üzrə yarışlarda İngiltərə komandasını məğlub edərək, Almaniyada keçirilən qılıncoynatma üzrə dünya çempionatının dörddə bir final mərhələsinə yüksəlib.

İRNA-nın məlumatına görə, İranın "Saber" növü üzrə qılıncoynatma komandası 45-29 hesabı ilə İngiltərə komandasını məğlub edərək, yarışların dörddə bir final mərhələsinə  yüksəlib. İran yığması dünya çempionatının dörddə bir final mərhələsində Macarıstan  yığması ilə qarşılaşmalı olacaq.

Qılıncoynatma üzrə dünya çempionatı Almaniyanın Leypsiq şəhərində keçirilir. 19 iyul tarixində start götürən çempionat 26 iyula kimi davam edəcək.