İranlı idmançı 2018-ci ilin ən sürətli adamı olub
Noy 20, 2018 16:58 Asia/Baku
-
İranlı idmançı 2018-ci ilin ən sürətli adamı olub
Qayaya dırmaşma idmanında yarışan iranlı idmançı Reza Əlipour bu idman növü üzrə beynəlxalq federasiyanın son təsnifatına əsasən, 2018-ci ilin ən sürətli adamı kimi təqdim olunub.
"Asiya Hepardı" ləqəbi ilə tanınan qayaya dırmaşma üzrə İran çempionu Reza Əlipour fransalı Basa Mevava və rusiyalı Dmitri Timofeyevdən yuxarıda duraraq, 2018-ci ildə dünyada "sürət" növündə ən yaxşı idmançı kimi seçilibdir.
Əlipour həm də qayaya dırmaşmanın bu növündə dünya rekordçusudur. Onun rekordu 5,48 saniyədir.
Gənc iranlı idmançı 2013-cü ildə Çində keçirilən dünya çempionatında 6, 24 saniyə rekordla sürət növündə dünya birincisi oldu. Qayaya dırmaşma üzrə beynəlxalq federasiya yüksək sürətinə görə, ona "Asiya Hepardı" ləqəbi veribdir.
