Argentina qətiyyətlə dünya çempionatının finalına yüksəldi
Dek 14, 2022 14:15 Asia/Baku
Dünya futbolunun superulduzu Lionel Messinin parlaq oyunu ilə Xorvatiya yığmasını məğlub edən Argentina komandası Qətər dünya çempionatının finalına vəsiqə qazanıb.
2022-ci il futbol üzrə dünya çempionatının ilk yarımfinal görüşü Qətərdə yenicə salınmış Lusail şəhərinin stadionunda keçirilib və Argentina milli komandasının Xorvatiya seçməsi üzərində üç-sıfır hesabı ilə qələbəsilə başa çatıb.
İlk qolu Lionel Messi oyunun otuz dördüncü dəqiqəsində penalti zərbəsilə vurub. Sonrakı iki qolu isə Xulian Alvares oyunun otuz doqquz və altmış doqquzuncu dəqiqələrində reallaşdırıb.
