Bəhreyn parlamenti sionist rejimin Qəzzə zolağına davam edən bombardmanları və günahsız fələstinliləri qətlə yetirməsi səbəbindən bu ərəb ölkəsinin Təl-Əvivlə iqtisadi əlaqələrini kəsdiyini elan edib.

SəhərAzəri-nin "Əl-Məyadin"ə istinadən məlumatına görə, Bəhreyn parlamenti sionist rejimin Qəzzəyə qarşı davam edən vəhşi cinayətlərinə cavab olaraq, bu ölkənin səfirinin də Tel-Əvivdən geri çağırıldığını vurğulayıb.

Bəhreyn hökuməti hələlik bununla bağlı mövqe tutmayıb.

Bu arada Qəzzənin Səhiyyə Nazirliyi cümə axşamı elan edib ki, indiyədək İsrailin hücumları nəticəsində 3760-ı uşaq və 2326-sı qadın olmaqla 9061 nəfər şəhid olub.