“İstiqlal” klubunu məğlub edən “Perspolis” komandası ölkə üzrə kubok yarışlarının qalibi olub. Qeyd edək ki, bir müddət öncə bu klub İran premyer liqasını da fəth etmişdi.

SəhərAzəri-nin məlumatına əsasən, Kubok yarışlarının finalı “Perspolis” və “İstiqlal” klubları arasında Tehranın “Azadi” stadionunda keçirilib. Görüşün birinci hissəsi “Perspolis”in üstünlüyü ilə başa çatıb: Bir-sıfır.Oyunun ikinci hissəsində “İstiqlal”ın oyunçuları cavab qolu vurublar.

Doxsan dəqiqəlik oyun bir-bir hesabı ilə başa çatıb. Əlavə vaxt təyin edilib. Yüz on beşinci dəqiqədə “Perspolis”in oyunçuları birbaşa zərbə ilə “İstiqlal”ın qapısını hədəfə alıblar: İki-bir.

Görüş elə bu hesabla “Perspolis”in xeyrinə qurtarıb və bu komanda kubok yarışlarının da qalibi olubdur.