Yüzlərlə sionist gənc hərbi xidmətdən imtina edir
Yüzlərlə sionist orta məktəb şagirdi, mübahisəli məhkəmə sistemində aparılan islahatlar da daxil olmaqla, rejimin hazırkı ifrat sağçı administrasiyanın siyasətinə etiraz olaraq hərbi xidmətdən imtina edəcəklərini açıqlayıb.
Rejimə qarşı çıxmış gənclər, Təl-Əvivdəki Herzliya İvrit Gymnasium liseyində yaydığı bəyanatda bildiriblər ki, onların bu etirazı işğal altındakı İordan çayının qərb sahilində fələstinlilərə edilən zülmə qarşı çıxması ilə açıq şəkildə bağlıdır.
“İsrail hərbi xidmətinə çağırılacaq gənc qadınlar və kişilər olaraq biz sonist rejimində və işğal olunmuş Fələstin ərazilərində diktaturaya “YOX” deyirik. Biz bununla bəyan edirik ki, demokratiya hamı üçün təmin olunana qədər orduya qoşulmaqdan imtina edirik”, - bəyanatda deyilir.
