Tel-Əvivdə Netanyahuya qarşı kütləvi nümayişlər keçirilib
Şənbə günü axşam saatlarında minlərlə sionist mühacir Təl-Əvivin mərkəzində erkən seçkilərin keçirilməsi və sionist rejimin baş naziri Benyamin Netanyahunun vəzifədən kənarlaşdırılması tələbi ilə nümayiş keçirib.
"İran Press"in məlumatına görə, Təl-Əvivin müxtəlif bölgələrindən olan nümayişçilər şəhərin mərkəzindəki mədəniyyət mərkəzi meydanına doğru yürüş edərək, Nazirlər Kabinetinin dərhal buraxılmasını və Netanyahunun hakimiyyətdən kənarlaşdırılmasını tələb ediblər.
Bu aksiya zamanı İsrail polisi nümayişçilər və Qəzzədəki girovların ailələri ilə toqquşub və onlardan bəzilərini həbs edib.
Həmçinin şənbə günü axşam sionistlər Təl-Əvivin şimalında yerləşən "Kfar Saba" bölgəsində Netanyahuya qarşı nümayiş keçiriblər.
İşğal altındakı Hayfa şəhərində daha bir nümayiş keçirilib və nümayişçilər Netanyahu əleyhinə şüarlar səsləndiriblər.
Həmçinin işğal altında olan Qüdsdə də Netanyahuya qarşı böyük nümayişlər keçirilib.
Etirazçılar Benyamin Netanyahunun kabinetinin devrilməsini və Qəzzədəki sionist məhbusların geri qaytarılması üçün HƏMAS ilə razılaşma tələb edirlər.
