Qəzzə şəhidlərinin sayı 27019 nəfərə, yaralıların sayı isə 66139 nəfərə yüksəlib
Fev 01, 2024 20:07 Asia/Baku
Qəzzədə Fələstin Səhiyyə Nazirliyi işğalçı sionist rejimin təcavüzü nəticəsində şəhid olanların sayının 27 min 19 nəfərə, yaralıların sayının isə 66 min 139 nəfərə çatdığını bildirib.
Əl-Məyadin kanalının məlumatına görə, işğalçı rejim ordusu Qəzzə zolağının cənubundakı Xan Yunisdə "Nasir" Tibb Kompleksinin şərqindəki yaşayış evlərini hədəfə alıb.
İşğal olunmuş Fələstinin şimalında, Livanla sərhəddə sionist sakinli Əl-Mutələ qəsəbəsində təhlükə siqnalı səsləndirilib.
Kanal Qəzzə şəhərində fələstinli döyüşçülərlə işğalçı rejim hərbçiləri arasında qarşıdurmanın davam etdiyini bildirib.
