Ərəbistan artilleriyası bir daha Yəmənin sərhəd məntəqələrini hücuma məruz qoyub.

Ərəbcə Sky-News-un məlumatına görə, Ərəbistan artilleriyası bu gün Yəmənin şimalındakı sərhəd məntəqələrni hədəfə alıb, amma tələfat və xəsarətlər haqda məlumat yoxdur.
Ərəbistanın Yəmənin sərhəd məntəqələrinə artilleriya hücumu elə bir halda baş verir ki, Ərəbistan qırıcılarının bu ölkəyə qarşı hücumu davam edir. Belə bir halda husilərin Yəmənin Təəz şəhərində istefa vermiş prezident Əbdrəbbə Mənsur Hadinin tərəfdarları ilə döyüşlərində təqribən 70 nəfər ölüb və yaralanıb.
Yəmənin ordusu və inqilab komitələri bu ölkənin Ərəbistan tərəfindən bombalanmasının davam etməsinə cavabda Ərəbistanın sərhəd məntəqələrini hədəfə alıblar.