SAHAR

Yəmənli qruplar Omanda bir araya gələrək, müzakirələrə başlayıblar.

Əl-Məyadin kanalının verdiyi məlumata görə, yəmənli qrupların müzakirələri şənbə günü, günortadan sonra Oman və BMT-nin nəzarəti altında Maskatda start götürüb.
Bu müzakirələrdə iştirak etmək məqsədi ilə Yəmənin Ənsarullah xalq hərəkatının bir qrup nümayəndə heyəti Omana səfər edib ki, BMT Təhlükəsizlik Şurasının Yəmən böhranı ilə bağlı iclasından öncə Oman və Əlcəzairin sülh anlaşması üzrə təklifi barədə müzakirələr aparsınlar.
Hələ ki, Oman-Əlcəzair planının detalları barədə heç bir məlumat mövcud deyil. Amma, bir müddət öncə BMT-nin xüsusi nümayəndəsi bildirmişdi ki, Yəməndə böhranın həll edilməsi və atəşkəsin bərqərar olunması üçün, region ölkələrində həyata keçirilən məsləhətləşmələrin ardınca 9 maddəlik layihə hazırlayıb.