Türkiyənin şərqində bomba quraşdırılmış bir avtomobilin partladılması bir polis əməkdaşının yaralanmasına səbəb olub.

Hürriyyət qəzetinin yazdığına görə, bu bomba çərşənbə günü Tuncəli vilayətində, polis avtomobilnin hərəkəti zamanı partladılıb. PKK tərəfindən törədildiyi deyilən bu partlayış nəticəsində bir polis əməkdaşı yaralanıb.
Türkiyədə gərginlik son günlər artıb. PKK-nın təhlükəsizlik qüvvələrinə hücum etməsi və ordunun PKK-nın mövqelərinə zərbələr endirməsi gərginliyin daha da artmasına səbəb olub.
Son günlər PKK-nın Türkiyənin müxtəlif məntəqələrində partlayışlar törətməsi ilə bağlı xəbərlər yayılıb.