İşğalçı sionist rejim hərbçiləri bir daha Qəzzə zolağının şimalında fələstinli balıqçıların qayıqlarına basqın ediblər.

Quds Press-in fələstinli qaynaqlara istinadlı məlumatına görə, sionist rejim ordusunun hərbi qayıqları çərşənbə günü gecə Qəzzə zolağının şimalında, Sudaniyyə sahilləri yaxınlığında fələstinli balıqçıların qayıqlarına tərəf atəş açıblar. Bu atəşlərdən sonra balıqçılıq qayıqları məntəqəni tərk etməyə məcbur olublar.


Hələ bu hücumla bağlı ehtimal olunan bədən xəsarəti və ya tələfat barədə bir məlumat yayılmayıb.


İsrail rejiminin dəniz qüvvələri Qəzzə zolağının quru, dəniz və havadan mühasirəsinin davam etməsi istiqamətində daim fələstinli balıqçılara hücum edir, onların öz məişət ehtiyaclarını təmin etmələrinə mane olurlar.