SAHAR

Sionist rejim hərbçiləri 39 fələstinlini həbs ediblər.

Səhər Beynəlxalq Televiziyasının Press TV-yə istinadla verdiyi məlumata görə, ötən iki gün ərzində əl-Əqsa məscidinə hörmətsizliyin olunmasına etiraz edən fələstinlilərin sionist hərbçilərlə toqquşması ardınca, İordan çayının qərb sahilində 39 nəfər, o cümlədən Şərqi Qüdsdə 27 nəfər həbs olunub.
Bu həbslər sionist rejim baş naziri Benyamin Netanyahunun fələstinli etirazçılara qarşı müharibə və ağır cəzaların tətbiq olunacağını bildirməsindən bir neçə gün sonra baş verib.
Ötən bazar günü əl-Əqsa məscidində fələstinlilərə qarşı vəhşicəsinə hücumlar sionist hərbçilərin bu müqəddəs məkana ezam olunması ilə başlayıb.