Yəmən paytaxtı Səna məscidlərindən birində terror aktı nəticəsində onlarla namaz qılan şəhid olub.

Səhər Beynəlxalq Televiziyasının Yəmənin rəsmi xəbər agentliyi Səbaya istinadla verdiyi məlumata görə, cümə axşamı günü Sənanın əl-Bəlili məscidində Qurban bayramı namazının qılındığı zaman iki terrorçu üzərlərindəki partlayıcı maddəni namaz qılanlar arasında partladıblar. Nəticədə 29 namaz qılan şəhid olub, onlarla nəfər yaralanıb.
Bundan öncə İŞİD və əl-Qaidə terror qruplaşmasının ünsürləri Səna məscidlərində oxşar bir neçə terror aktlarının məsuliyyətini üzərinə götürmüşlər.
Cari ayın əvvəllərində də Sənada bir məscidə hücumda 30 nəfər şəhid olmuş, təxminən 100 nəfər yaralanmışdı.
İŞİD və əl-Qaidə terror qruplaşmalarının muzdluları Ərəbistanın Yəmənə hücumu başlandıqdan sonra səudiyyəlilərdən hərbi və silah-sursat dəstəkləri alaraq Yəməndə terror aktları törədirlər.