Yəmən ordusunun Ərəbistanın Cizan vilayətində iki hərbi bazaya qarşı raket hücumlarında bir qrup Ərəbistan hərbçisi ölüb və yaralanıb.

Yəmənin Müdafiə Nazirliyi Ərəbistanın Cizan vilayətində yerləşən əl-Xucrə və əl-Səmfəq hərbi bazalarına edilən raket hücumlarında bir qrup Ərəbistanlı hərbçinin ölməsi və yaralanmasından xəbər verib.
Həmçinin, Yəmənin bir hərbi mənbəyi Ərəbistanın Nəcran vilayətində, əl-Şərəfə bazasına edilən hücumda bir tankın məhv edilməsi və tankda olan hərbçilərin öldürülməsindən xəbər verib.
Əl-Məyadin informasiya kanalının verdiyi məlumata görə, Ərəbistan qırıcılarının Yəminin Təiz vilayətinin qərbində, əl-Əyar məntəqəsinə olan hücumları bir neçə nəfərin ölməsi və yaralanmasına səbəb olub.
Əl-Aləm kanalı da bildirir: Ərəbistan qırıcıları Yəmənin Sədə, Məarib və əl-Cəvf vilayətlərini bombardman ediblər. Bu hücumlar ciddi dağıntılara və insan tələfatına yol açıb. Yəmənin ordusu və xalq komitələri qüvvələri də Ərəbistan ordusunun Nəcran, Əsir və Rəbuə məntəqələrindəki mövqelərini hədəfə alıblar.