SAHAR

Livan təhlükəsizlik dairələri bu ölkənin şimalında bir qrup terrorçunun həbs olunduğunu bildiriblər.

Səhər Beynəlxalq Televiziyasının Fars Xəbər Agentliyinə istinadla verdiyi məlumata görə, Livan təhlükəsizlik dairələri bildiriblər: Bu ölkənin təhlükəsizlik və ordu qüvvələri şimalda Trablos şəhərində tanınmış terrorçulardan bir qrupunu həbs və həmçinin bir partlayıcı maddələr anbarını kəşf ediblər.
Livan ordusu qüvələrinin komandanlığı bir bəyanatda bildirib: İŞİD-ə bağlı Kəhrub kimi məşhurlaşan Məhəmməd İbrahim əl-Hücəyrinin dindirilməsi davam edir.
Bu arada Livanda həbs olunan terrorçulardan Məhəmməd əl-Hücəyri Trablosa silahlı şəxslərin girişini asanlaşdırmaq üçün avtomobillərə bombaların quraşdırılmasına etiraf edib.
Ötən həftənin sonlarında Livan paytaxtı Beyrutun cənubunda şiə sakinli Zahiyə məntəqəsində iki terror aktı baş verdi. Nəticədə 44 nəfər həlak oldu, 200-dən çox insan yaralandı.
İŞİD terror qruplaşması Beyrutun ətrafındakı iki terror aktının məsuliyyətini üzərinə götürüb.