Ərəbistanın Yəməndə sivil əhaliyə qarşı cinayətlərinin davam etdiyi bildirilir.

Ərəbistan qırıcılarının Yəmənin şimalında, Sədə əyalətində yerləşən Şəif məntəqəsinə olan hücumları zamanı bir qrup insan ölüb və yaralanıb.

Əl-Məyadin informasiya kanalının verdiyi məlumata görə, ölən və yaralananlar arasında bir neçə qadın və uşaq da var.

Ərəbistan qırıcıları həmçinin, Yəmənin paytaxtı Sənanın cənub-qərbində, əl-Əsir məntəqəsində yerləşən bir qaz paylaşdırma stansiyasını və bir ərzaq məhsulları zavodunu bombalayıblar.

Digər tərəfdən Yəmən ordusu və xalq qüvvələri Ərəbistanın cinayətlərinə cavab olaraq, Ali-Səud rejiminə bağlı muzdluların Yəmənin Məarib vilayətində, Kufəl məntəqəsindəki bazasını raket hücumuna məruz qoyublar.