İraqın könüllü qüvvələri İŞİD üzvü olan Ərəbistanın Milli Qvardiyasının bir qrup əsgərini Tikritdə öldürüblər.

Səhər Beynəlxalq Televiziyasının ABNA-ya istinadla verdiyi məlumata görə, İraqın hərbi informasiya portalı bildirib: İraqın təhlükəsizlik qüvvələri Tikritin şimalında yerləşən əl-Şərqat məntəqəsində bir qrup İŞİD-çini öldürüblər. Öldürülənlərin bir neçəsi Ərəbistanın Milli Qvardiyasının üzvləri olublar.

İraqın təhlükəsizlik rəsmilərinin dediyinə görə, Ərəbistan vətəndaşlarının İŞİD sıralarında iştirakı diqqəti cəlb edir və İŞİD-in komandanlarının bir qrupu Ərəbistan vətəndaşıdır.

İraqda əldə olunan başqa bir məlumata görə, çərşənbə axşamı günü Bağdadın cənubunda əl-Mədain məntəqəsində bir kafe yaxınlığında bomba partladılıb. Partlayış nəticəsində iki İraq vətəndaşı həlak olub, 8 nəfər də yaralanıb.

BMT verdiyi hesabatda İraqda de-stabillik barəsində bildirib ki, 2016-cı ilin ilk ayında İraqda 849 nəfər həlak olub, 1450 nəfər də yaralanıb.

Bu hesabatda İŞİD terror qruplaşması İraqdakı destabilliyin və sivillərin qətlə yetirilməsinin əsas amili elan olunub.