Türkiyə dövləti ölkənin cənub-şərqində yerləşən Yüksəkova məntəqəsində komendant saatı elan etdi.

İRİB-nin verdiyi məlumata görə, Hakkari valisi komendant saatının bazar günü axşam saat 22-dən başlanacağını bildirərək, vətəndaşlardan növbəti bildirişə qədər evlərindən çıxmamalarını istəyib.

Türkiyə dövləti ölkənin şərqində və cənubunda yerləşən məntəqələri separatçılıq məqsədləri olan PKK qruplaşmasına bağlı yaraqlılardan təmizləmək üçün bir neçə aydır ki, geniş hərbi əməliyyatlara başlayıb.

Bu istiqamətdə indiyə kimi 8 məntəqədə komendant saatı elan edilib.