Ərəbistan qırıcılarının Yəmənin Həccə vilayətində bir bazarı bombardman etməsi nəticəsində 107 nəfər həyatını itirib.

Əl-Məsirə informasiya kanalı Ərəbistan qırıcılarının Həccə bazarına hücumu zamanı ölənlərin sayının 107 nəfərə yüksəldiyini bildirib. Bundan öncə Nyu-York Tayms qəzeti Həccə bazarının bombardman edilməsi nəticəsində 90 nəfərin həyatını itrdiyini bildirmişdi.

Həccə vilayətinin səhiyyə idarəsinin rəisi Əymən Mütəkəvvər Röyters-ə verdiyi müsahibədə deyib: Ərəbistan qırıcılarının dünən Müstəba məntəqəsində yerləşən bazarı ardıcıl olaraq 3 dəfə bombardman etmələri zamanı 75 nəfər də yaralanıb.

Ərəbistan 2015-ci ilin martından Yəmənə qarşı hərtərəfli hücumlara başlayıb.

Fars Körfəzi Əməkdaşlıq Şurasına üzv 5 ölkə habelə, Mərakeş, Misir, İordaniya və Sudan Yəmənə qarşı hücumlarda iştirak edir. Somali də öz hərbi bazalarından Yəmənə qarşı hücumlarda istifadə icazəsi verib.