Beynəlxalq Amnistiya Təşkilatı səudların Yəməndə kasset bombaları kimi qadağan olunmuş silahlardan istifadə etmələrini sənədləşdirib.

Press TV-nin məlumatına görə, səudların Yəmənə qarşı vəhşicəsinə hücumlarının davamında Beynəlxalq Amnistiya Təşkilatı insan haqları sahəsində fəaliyyət göstərən təşkilatlardan səudların Yəməndə kasset bombaları kimi qadağan olunmuş silahlardan istifadə etmələri barədəki sənədləri toplayıb və bildirib ki, bir ingilis şirkət bu bombaları düzəldərək, Ərəbistana veribdir.

Bazar ertəsi günü Yəmənin Səədə vilayətində bir kasset bombası partlayıb; nəticədə bir mülki ölüb, bir uşaq da yaralanıbdır.

Bundan öncə ədalətsizlik, aclıq və yoxsulluğun kökünün kəsilməsi üzrə ən böyük beynəlxalq yardım qpupu- Aksfam-ın icra müdiri Mark Qoldrinq bildirmişdi ki, ingilis silahların Ərəbistana satılması və Ərriyad-ın hərbi cəhətdən dəstəklənməsi səudların Yəməndəki rəhmsizcəsinə savaşının şiddətlənməsinə bais olub.

Kasset bombalarından istifadə 2008-də qəbul olunmuş kasset sursatlar konvensiyasına əsasən, qadağandır.

Dünyanın 108 ölkəsi bu konvensiyanı imzalayıb.

Kasset bombaları çoxlu sayda kiçik bombadan təşkil olunubdur ki, yerə töküldükdən sonra onların bir neçəsi partlamır və sonradan mina kimi əməl edir.