Bəhreyn vətəndaşları ölkənin yüksək səviyyəli ruhanisi Şeyx İsa Qasimin mənzili önündə aksiyanın davam etdirilməsini vurğulayıblar.

Əl-Aləm xəbər telekanalının məlumatına görə, Bəhreyn vətəndaşları çərşənbə axşamı günü Şeyx İsa Qasimin mənzili önündə bir daha aksiya keçirərək bildiriblər ki, Ali-Xəlifə rejimi bu bəhreynli ruhaniyə qarşı ədalətsiz qərarından vaz keçmədiyi zamana qədər onun mənzili önündə aksiyanı davam etdirəcəklər.

Ali-Xəlifə qüvvələrinin mühasirəsinə baxmayaraq, bəhreynlilər ardıcıl 4-cü həftə olaraq Şeyx İsa Qasimin vətəndaşlığını ləğv edən və onu bu ölkədən çıxarmağa çalışan Ali-Xəlifənin qərarına etiraz olaraq aksiya keçirir.

Bəhreynli etirazçılar bildiriblər: Şeyx İsa Qasim Bəhreyn xalqının qırmızı xəttidir və Ali-Xəlifə ona zərər vura bilməz. Çünki İsa Qasim milli şəxsiyyətlərdən hesab olunur və Bəhreyn Konstitusiyasının tənzimlənməsində iştirak etməlidir.

Bəhreynlilər həmçinin İraqın əl-Kəradə bölgəsində qanlı terror aktında həlak olanların ailələrinin dərdinə şərik çıxaraq İŞİD terrorçularının cinayətləri qarşısında beynəlxalq dairələrin sükutunu pisləyiblər.