SAHAR

İŞİD-in özbək batalyonlarının komandanı Əbuqətadə Özbəki döyüş meydanından qaçdığına görə edam olunub.

Süməriyyənin məlumatına görə, İŞİD terror qruplaşması özbək batalyonlarının komandanı Əbuqətadə Özbəkini bu batalyonun bir qrup üzvü ilə birlikdə Neynəva vilayətinin şərqindəki döyüş meydanından qaçdığına görə, edam edib. 

Özbəki və qüvvələri Neynəvanın şərqində əl-Xazir və əl-Kəvir istiqamətində kürd peşmərgə qüvvələri qarşısında döyüş meydanından Neynəva vilayətinin qərbinə doğru qaçmışdılar. 

İraqın bir hərbi rəsmisinin dediyinə görə, Əbuqətadə Özbəki və bir qrup fərari ünsür Neynəva vilayətinin qərbində əl-Qəzlani hərbi bazasında edam olunub. 

Neynəva Vilayət Şurasının sədri Bəşşar əl-Kiki şənbə günü bildirmişdi ki, əl-Xazir istiqamətində İŞİD üzvləri ilə döyüş zamanı bu bölgənin 7 kəndi azad olunub.