Yəmənin Müdafiə Nazirliyi Ərəbistan ordusunun uçan pilotsuz aparatının ələ keçirildiyini bildirib.

Livanın əl-Məyadin televiziyasının məlumatına görə, Yəmənin Müdafiə Nazirliyi cümə günü bildirib: Ordunun texniki və mühəndislik bölməsi Ərəbistanın cənubunda Nəcran vilayətində Ərəbistan ordusunun bir ədəd uçan pilotsuz aparatını yerə endirərək ələ keçirib. 

Ərəbistan ordusu əl-Tələ və Zülm bazalarındakı öz mövqelərindən geri çəkilməklə və ağır hərbi xəsarətlər verməklə hal-hazırda bu bölgələrdə uçan pilotsuz aparatlardan istifadə edir. 

Yəmənin əl-Məsirə televiziyası da bildirib ki, Səudiyyə Ərəbistanının başçılıq etdiyi təcavüzkar koalisiya qırıcılarının Marib vilayətinin əl-Zəğən məntəqəsinə hücumunda azı 5 yəmənli sivil həlak olub.