Bəhreyn xalqının Ali-Xəlifə rejiminə qarşı etirazları davam edir
-
Bəhreyn xalqının Ali-Xəlifə rejiminə qarşı etirazları davam edir
Bəhreynlilər bir daha məşhur şiə ruhani şeyx İsa Qasimə dəstək olaraq Ali-Xəlifə rejiminə qarşı etiraz aksiyası keçiriblər.
Miratül-Bəhreyn informasiya portalının verdiyi məlumata görə, minlərlə bəhreynli ölkənin müxtəlif bölgələrində, o sıradan paytaxt Manamanın Əd-Duraz məntəqəsində Şeyx İsa Qasimə dəstək üçün geniş aksiyalar keçiriblər. Aksiya iştirakçıları Ali-Xəlifə rejiminə qarşı şüarlar səsləndirərək dini alimlər, xüsusilə də Şeyx İsa Qasimə qarşı çıxarılan ədalətsiz qərarların ləğv edilməsini istəyiblər.
Bəhreyn rejimi 2016-cı il iyun ayında məşhur şiə ruhani Şeyx İsa Qasimin vətəndaşlığını ləğv etdi. Bu qərar Bəhreyn şiələri və dünya səviyyəsində kəskin etirazlara səbəb oldu.
Bəhreyn 2011-ci il fevraldan bəri Ali-Xəlifə rejiminə qarşı dinc etirazların şahididir.
Bəhreyn xalqı ölkədə siyasi islahatların apraılmasını, azadlıq və ədalətin bərqərar olunması, ayrı-seçkiliklərə son qoyulması və xaqlın səsi əsasında hökumətin formalaşmasını tələb edir, ancaq Ali-Xəlifə rejimi xalqın tələblərinə qəddar metodlarla cavab verir.
