İslam Müqaviməti qrupunun baş katibi İraq qüvvələrinin Mosul şəhərinə daxil olduğunu bildirib.

İRNA-nın məlumatına görə, Əli əl-Yasiri bu gün deyib: İraq ordusu qüvvələri ötən gecə Mosul şəhərinin ətrafındakı məhəllələrə daxil olublar.

O əlavə edib: İraq ordusu qüvvələri Mosul şəhərində Həyyüs-Səddam şəhərciyi və Kokz məhəlləsinə daxil olublar.

Mosulun azad olunması əməliyyatı 17 oktyabrdan Heydər əl-İbadinin fərmanı ilə İraq qüvvələri tərəfindən başlanıb.

İraq qüvvələrinin müxtəlif istiqamətlərdən Mosula doğru irəliləməsi xalq səfərbər qüvvələrinin şəhərə daxil olması ilə daha da sürətlənib. On minlərlə təhlükəsizlik qüvvəsi bu ölkənin ən böyük hərbi əməliyyatında Mosulun azad olunması üzrə döyüşləri üç istiqamətdən başlamışlar.