SAHAR

Fransa prezidenti İŞİD terror qruplaşmasını bütün ölkələrin ortaq düşməni adlandırıb.

Əl-Məyadin televiziyasının məlumatına görə, Fransua Olland iraqlı həmkarı Fuad Məsumla müştərək mətbuat konfransında deyib: İraq və Suriyada İŞİD-lə savaş bütün ölkələrin ortaq düşməni olan qruplaşma ilə mübarizədir.

Olland əlavə edib: Biz İŞİD və Suriya və İraqda olan terrorizmlə mübarizə aparmalıyıq. Biz bu terrorçular arasındakı əlaqəni anlamalıyıq. Terrorçular bir çox ölkələrdə aktlar törətmək üçün oyuna gələn şəxslərdir.

O xatırladıb: Biz həmçinin müxtəlif ölkələrdən, xüsusilə Avropa ölkələrindən olan xarici döyüşçülərin qayıtması məsələsini anlamalıyıq. Onlardan bəzisi hətta ailə və uşaqlarını da Fransadan İraq və Suriyaya aparmışlar.