SAHAR

Səudiyyə Ərəbistanının şərq bölgələrində əhali bir gənc etirazçının Ali-Səud rejimi məhbəslərində şəhid olmasından sonra onun dəfn mərasimində geniş iştirak edib və eyni zamanda etiraz aksiyası keçirib.

Fars xəbər agentliyinin verdiyi məlumata görə, Ali-Səud rejimi rəsmiləri Ali-Səud rejimi məhbəsində verilən işgəncələr nəticəsində şəhid olan şiə fəal Məhəmməd Əl-Həsavinin cənazəsini dünən ailəsinə təhvil veriblər. 

Səudiyyə mənbələri bildiriblər ki, Səudiyyə təhlükəsizlik rəsmiləri bir həftə öncə Əl-Həsavinin ailəsi ilə əlaqə yaradaraq onlardan övladlarının şəxsi əşyalarını təhvil almaq üçün həbsxanaya müraciət etmələrini istəmişdilər. 

Əl-Həsavi Səudiyyə Ərəbistanının şərqində yerləşən şiə sakinli Əl-Qətif bölgəsinin Əl-Əvamiyyə sakinidir. 

Səudiyyəli məşhur ruhani Şeyx Nimr Baqir Ənnimrin şəhid edilməsindən sonra Əl-Həsavi 2012-ci il iyun ayında Əl-Əvamiyyədə keçirilən aksiyada iştirak etdiyinə görə həbs edilmişdi. 

Səudiyyə Ərəbistanından media fəalları deyirlər ki, Əl-Həsavi son 4 ayda həbsxanada işgəncələr və zorakılıqlar nəticəsində şəhid edilən 4-cü məhbusdur. 

Səudiyyə Ərəbistanı müxaliflərə qarşı repressiya siyasətini qarşıya məqsəd qoyub. Deyilənlərə görə bu ölkədə 30 min siyasi məhbus var.