SAHAR

İŞİD terror qruplaşması öz təhlükəsizlik başçılarından 8 nəfərini xəyanət ittihamı ilə edam edib.

İraq hərbi hava qüvvələrinin Mosuln şəhərinin qərb sahilində bir mənzildə İŞİD terror qruplaşmasının iclasının keçirildiyi məkana hava hücumundan sonra, bu terror qruplaşması bu hərəkəti həyata keçirib. 

Asiya News xəbər saytının məlumatına görə, İraq hərbi hava qüvvələrinin hücumunda İŞİD başçılarının həlak olmasından sonra, bu terror qruplaşması İraq ordusuna məlumat ötürməklə bağlı 8 təhlükəsizlik başçısını ittiham edib. 

İraq qüvvələri 2017-ci il fevral ayından Mosulun qərbinin azad olunması əməliyyatına başlayıb. Bu şəhərin azad olunması ilə İŞİD terror qruplaşması ən böyük bazasını itirəcək.